Frase de Nadal dun alumno

Ghesucristo
non existe:

son os pais

Volta do recreo

A lama do piso do corredor

da entrada do patio
é un big-bang

.........................de puntos cardinais

Enquisa

Non ho, que va, Feijoo, boh
Se a culpa inda non é túa

a culpa é de quen che fai caso

É un xuego

Toys 'r' us

Os xoguetes

somos nós

Forza

A mente pode
parar un puño, o corpo
leva a hostia igual

Falemos con propiedade intelectual

A Lingua non é un patrimonio

É unha obra de arte distribuída

baixo licenza Creative Commons

Contiño

Hai ras que se fan grandes
converténdose en príncipes

outras, pequeniñas,
.......................... raíñas

A Santa, o Bardo e o Rebelde

Rosalía era a popi
Pondal, o hevi
Curros, o punki

2 condenados por queimar a 'efixie' de el-rei

Vaia, ao final o rei
o que tiña non era cara
senón moita efixie