Espectáculo multimerda na Coruña

C.S. Atreu
Sábado 29
21:00 h

Revolution rock

O punk rock repártelle
kalashnikovs ao pobo
en forma de guitarras

Váte(r) II

Meu fillo, non lle
cantes a Roca

Instálao

Váte(r) I

Meu pai é fontaneiro
eu cántolle
ao váter

Mira ti

Pois non che sabía eu
que seguise sendo tan fácil

épater le bourgeois

Ir a Cangas por mirar Vigo

Hoxe as luces de Vigo
parecen feitas
para alumar o Morrazo

Solución definitiva para cafetarías

Antes: Posme un café con leite
curtiño de café, cortado non-manchado?

Agora: Ponme un Pantone 1675 PC

Espectáculo multimerda

Malas Pécoras
Xoves 22
22:00 horas

Sobre vivir

Respirar
é
caro

Xa Hai cu

Nos ordenatas
Nas librarías
Nas tabernas

Postas polo concello

Convócanse prazas
a señora tinguida, de solarium, con visón

Grupo A

Orvital

Sempre quixen ir
á Lúa, a Venus

Amarte

Non perden o punto

Só os pasos
dos que beillan
levan a algures

Subliminal

As Autoridades
Postais aconsellan:

Xabarín Popular!

Son fan the Reis
dos Estuches
e dos Dez Bois

Haicu do Miguel de Carballo

A vida é coma
o pau dun galiñeiro

curta e chea de merda

Zoando no vento

No aire da entrada da tarde
a serradora eléctrica da fábrica
lembra a harmónica de Dylan

Casa o mierda

Non quero unha hipoteca

Para vivir nun cárcere
hai opcións máis baratas

Cultura Libre

If We can't be free
at least
We can be cheap

Xenialidade de Sun Iou Miou, candidata a bolseira do ILGa

-Tes algún problema
coa normativa oficial?

-Niñum

ArteNativa

Aquí o underground
non está no subsolo

está no rural

O Celta, idiosincrasia e retranca

O único equipo
do mundo cun himno
derrotista

Memorias dun neno arrabaldeiro

Eu sonvos o Eue, un rapaz
do periurbano ex-aldea semicidade
coma quen di
....................un al(gh)ien

Din os anarquistas éuscaros:

Ni Dios
Ni Amo
Ni Buen Rollito

Teletransportación en día festivo

Por que contamos as horas de sono
coma se empezasen ao saír do pub
e rematasen ao entrar no choio?

Nota: ir ao Rexistro Mercantil

A Vaquiña
polo que Vale

Management

Ser ou non ser

Mira, Haimitiño,
este te es el Yorik
No te recuerdas del?

Es terco/a

Motivo para a esperanza:
a merda
tamén fai medrar a vida

Aprendino no Cineclube de Compostela

Saír do traballo
á hora en que
fechan os museos

Amais do -n velar

Galegos e xaponeses
gustamos de comer

con palillos

Enterremos dunha puta vez o ego colosal de Lord Byron

Facer pallas mentais
está ben pero
plaxiando coñeces xente

Antiglobalización

As nosas aguas non son calcarias
Así que, benqueridos compatriotas,

deixen dunha vez de mercar Cagonit!

No os caseis (vamos a tomarnos algo)

Quérome millor
amor-eado
ca d-esposado

Coma a un/ha irmá/n che falo

Es negro/a
Estou negro/a

We're black

Epicteto

A calma para aceptar o que non podo cambiar
a afouteza para cambiar o que podo
e a sabedoría para coñecer a diferenza

Eles existen

Vendémoslles o noso tempo
a cambio duns cartos que logo
lles volvemos meter nos petos

A borraxe

É primavera, e tamén eu
coma o Principiño
teño unha flor favorita

Normativo ou normal?

Xa está ben
de que os quinquis falen
coma Alonso Montero

Frase mítica dun colega

Levo tantas copas
que xa non as levo eu:

lévamas unha Gestoría

A-sem-bleas

en tóda-las al-deas!
Máis-asem-bleas
e menos-tele-clús!

Memoria RAM

O problema é
que a vida é analóxica
e nós dixitais

After Hours

De tanto mirarmos de lado
ao final isto parece
un viveiro de rodaballos

Luns

Segundas feiras
nunca
foron boas

Fum(eg)ada

Se tal fumámoslle aí
uns carozos e gastamos
o serán todo na póla

A vida ávida

O difícil equilibrio
entre a supervivencia
e a autodestrución

Dicíano as mozas antes

Ai, díghoche a verdá

se non quedei preñada
que ben o pasei!

punk

Para odiar
escollo
parodiar

Xoves, 1 do marzal, 22:30

O Leo i Arremecághona
Xira E aghomita!
no Malas Pécoras

Necrofilia?

Musa porno dos 60's
volves á vida
no intre desta palla

En colores

Eu
dígoche a verdá, eu

alunizo

Bar Galicia, sáb., 9:00 a.m.

Pois eu voulle querer
un bocata de ron
e un cubata de xamón

Músculo estriado involuntario

Nooon pares!
Sigue, sigue
Nooon pares...