Lúa Neghra, Candorca, Fravernero, Nona, Píntega

1. Dobrar as cubertas dos libros novos
2. Pór o pan boca a riba enriba da mesa
3. Mirar papel e merda despois de cagar

Fechado por defunción?

Quen
posteará
a miña morte?

Cuchimurrichucupichichurriño/a!!!

Va que non me comentades
como lles chamades na casa
aos/ás vosos/as santos/as?

Ben nacido

Beizón por virdes
meter os dedos
no meu enchufe.

Musicoloxía galega. Mulleres

A galega cando canta
nin pentatónica nin cromática:

contínuum melódico-agudo-nasal

REC37.wav
Powered by Castpost

Musicoloxía galega. Homes

O galego ao barbearse
canta os vibratos finais
exactiño aos de Iggy Pop


REC36.wav
Powered by Castpost

Miñabuela

-Eu
toda a vida fun así:

ghallegha dreita.

En párvulos de cinco anos

"Xusto veñen sacar a foto hoxe
que hai andazo de piollos na clase

Seguro que me saen na foto as lendias"

Nun pesadelo

Petar sorrindo

na porta
dun nicho

Nadal na casa

Botan hoxe
algo interesante

na neveira?

Praceres delicados

Comer con fame
Mexar con gana
Rañar con vicio

8:00 a. m.

Acaricio na túa pel
a marca das miñas sabas

Antes de que cicatrice

Insomnio

E onde carallo
irá dar a ponte

de Mapfre Vida?

David Bowie e mais eu

Por unha pedrada son, coma el,
metade traidor, metade
firme e verdadeiro.