Falemos con propiedade intelectual

A Lingua non é un patrimonio

É unha obra de arte distribuída

baixo licenza Creative Commons

Contiño

Hai ras que se fan grandes
converténdose en príncipes

outras, pequeniñas,
.......................... raíñas

A Santa, o Bardo e o Rebelde

Rosalía era a popi
Pondal, o hevi
Curros, o punki

2 condenados por queimar a 'efixie' de el-rei

Vaia, ao final o rei
o que tiña non era cara
senón moita efixie

Nadal (haicu tradicional)

Luces de cores
Occidente convértese
nun puticlú

To move

Emocionar é fácil
o difícil é

mover

ILGa-RAG

Iso está
ben dito
ou bendito?

Palestra

Língua galega:
um caso
de lusoafonia

Acórdasme

Átasme cunha corda
Acórdome de ti

Espértasme

Sangue do seu sangue

Só daba dito
orina, o avó
mexou
..............orina

Vivir

Ser tan list@
coma para
non saber

Ás barricadas

Isto é o conflito lingüístico.
Xa estrañarán o bilingüismo harmónico.

Empezaron eles.


En Tempos Novos, agosto '08

A vida é o deporte máis duro

Ionquis
e amas de casa

en chándal

The End (of History)

Fukuyama-Hollywood
Nin puta idea do que é un final

aberto ou feliz

Fónética e fonoloxía

Nunca adorei tanto un fonema
coma cando ela dixo

-Voume xa(r)

Día da Patria '08

Mexan por nós
e
caghamos por eles

Muíño Sound System

Iñantes dos scratchs
o tarabelo picaba na moa
o drum&bass da muiñeira

Sentido tráxico

Levan o chaleco reflectante

enfundando o respaldo
do asento do condutor

Álvarez Blázquez

E que faría hoxe
Cachamuíña diante

das portas da Citroën?

Evolución lingüística

Ayuntamiento
Concello
Untamento